Is-Servizz tas-Saħħa Mentali Perinatali fil-Komunità jipprovdi kura speċjalizzata għal nisa li qed jesperjenzaw firxa ta’ problemi ta’ saħħa mentali fl-ewwel sena ta’ wara t-twelid. Noffru wkoll pariri qabel il-konċepiment għal nisa b’mard mentali sever jew kumpless.

Aħna nieħdu ħsieb nisa b’firxa ta’ problemi ta’ saħħa mentali komuni ta’ wara t-twelid li jvarjaw minn moderat għal sever bħal dipressjoni, ansjetà u disturb ossessiv-kompulsiv (OCD), kif ukoll dawk bi problemi ta’ saħħa mentali severi bħal disturb affettiv bipolari, psikożi u skizofrenija.

X’jipprovdi s-servizz?

Dan is-servizz joffri kura u trattament inkluż:

1. Valutazzjoni u dijanjosi ta’ firxa ta’ diffikultajiet tas-saħħa mentali li jippreżentaw fl-ewwel sena wara t-twelid.
2. Pariri dwar mediċini xierqa speċjalment jekk qed tredda’.
3. Terapiji psikoloġiċi speċjalizzati.
4. Promozzjoni ta’ relazzjoni u rabta bikrija bejn l-omm u t-tarbija waqt li s-saħħa mentali tal-omm tkun qed tirkupra.
5. Pariri lil oħrajn involuti fil-kura tiegħek bħal familja, carers u professjonisti oħra.
6. Pariri pre-kunċettwali għal nisa li għandhom dijanjosi ta’ mard mentali sever.
7. Gruppi ta’ appoġġ ta’ wara t-twelid Solihull Approach.