L-għoti ta ’servizz sostenibbli ta’ kura tas-saħħa mentali lil dawk li jfittxu l-ażil u lir-refuġjati f ’Malta

Il-Fond għall-Ażil, il-Migrazzjoni u l-integrazzjoni (AMIF) għandu l-għan li jkompli jagħti spinta lill-kapaċitajiet nazzjonali u jtejjeb il-proċeduri għall-ġestjoni tal-migrazzjoni, kif ukoll li jsaħħaħ is-solidarjeta ’u l-kondiviżjoni tar-responsabbiltajiet bejn l-Istati Membri, b’ mod partikolari permezz ta ’assistenza ta’ emerġenza u l-mekkaniżmu ta ’rilokazzjoni.

L-immigranti li jiġu Malta, li jfittxu l-protezzjoni internazzjonali, kienu jgħaddu minn trawma u tbatija kbira f ’pajjiżhom u anke matul il-vjaġġ tagħhom. Ħafna minn din it-trawma hija ta’ natura psikoloġika, kultant tant ħażina, li tirrikjedi kura speċjalizzata u dħul fl-isptar mentali tagħna – l-Isptar Monte Carmeli. It-tħassib dwar is-saħħa ta ’dawk li jaslu huwa soġġett ukoll għal inizjattivi kemm nazzjonali (mainstream) kif ukoll iffinanzjati mill-UE.

Is-Saħħa mentali hija qasam wieħed fejn il-kura trid tingħata b ’mod imminenti għas-sigurta’ ta ’l-individwu. Min-naħa l-oħra, il-kopertura tal-kura tas-saħħa mentali hija obbligu skont id-dispożizzjonijiet tal-Artikolu 19 tad-Direttiva 2013/33/EU tal-Parlament Ewropew u tal-Kunsill li tiddikjara li “l-Istati Membri għandhom jiżguraw li l-applikanti jirċievu l-kura tas-saħħa meħtieġa li għandha tinkludi, mill-inqas, kura ta’ emerġenza u trattament essenzjali ta ’mard u ta’ disturbi mentali serji”.

Il-Ministeru għas-Saħħa beda proġett biex jindirizza l-ħtiġijiet u l-obbligi kif definiti fid-Direttiva. Dan il-proġett għen biex jissaħħu s-servizzi li diġa ’qed jingħataw fl-Isptar Monte Carmeli, bil-għan li joffri servizz komprensiv u ħolistiku biex jitjieb il-benesseri mentali u soċjali ta’ dawn l-individwi, biex is-sintomi ma jmorrux għall-agħar u biex ikunu integrati aħjar fis-soċjeta ’. Il-proġett ammonta għal total ta’ €2,995,202.64 li minnhom €2,246,402.00 (75%) kienu ffinanzjati mill-UE permezz tal-AMIF.